17-19 красавіка ў межах святкавання ў Беларусі Міжнароднага дня помнікаў і мясцінаў, дзякуючы сумесным намаганням некалькіх грамадскіх аб’яднанняў, пройдзе “Фэст эскскурсаводаў”.

Фармат дадзенага мерапрыемства прадугледжвае каля 30 пешых экскурсій, як абзорных, так і тэматычных, што пройдуць галоўным чынам у Мінску, а таксама у Полацку, Брэсце і іншых гарадах краіны.

Шаноўныя сябры!

Ніжэй Вы можаце пабачыць поўны графік экскурсій па гораду Мінску, што проўдуць у межах "Фэста экскурсаводаў". Абавязкова прыходзьце!

Святкуйма Міжнародны дзень помнікаў і мясцінаў разам з намі!

Сёння ў Беларусі актыўна рэстаўруюцца шматлікія гістарычныя аб’екты. Асобныя прыклады вартыя усебаковага ўхвалення, іншыя ж выклікаюць абурэнне спецыялістаў. Так ці іначай, але пытанне аховы гісторыка-культурных каштоўнасцей сёння як ніколі актуальнае для нашага грамадства. “Захаванню і адраджэнню помнікаў перш за ўсё спрыяюць любоў, веды і клопат тых, хто жыве побач”, - лічыць старшыня МГА “Гісторыка” Зміцер Рагачоў.

Экскурсіі будуць праводзіць як прафесійныя экскурсаводы, так і выкладчыкі гісторыі, даследчыкі пэўнай эпохі, тэматыкі ці рэгіёна. Яны атрымаюць магчымасць падзяліцца сваімі ведамі не толькі са студэнтамі і турыстамі, але і непасрэдна з усімі неабыякавымі да гісторыі свайго дома, вуліцы, горада.

Адмыслова для тых, хто 19 красавіка будзе адзначаць светлае Хрыстова Ўваскрасенне, у гэты дзень адбудзецца экскурсія “Мінск Хрысціянскі”.

Такім чынам, “Фэст экскурсаводаў” працягне сусветную традыцыю святкавання Міжнароднага Дня помнікаў і мясцінаў.

Удзельнікі Аргакамітэта па святкаванню Міжнароднага Дня помнікаў і мясцінаў:

Беларускі камітэт Міжнароднай рады па помніках і мясцінах (ІКАМОС),

ГА “Беларускі фонд культуры”,

МГА “Гісторыка”,

ГКТ “Этна” БДУ культуры і мастацтваў,

ГА “Беларуская асацыяцыя экскурсаводаў і гідаў-перакладчыкаў”

Кантакты з Аргкамітэтам:

Зміцер Рагачоў, (8-029) 755 03 70
(каардынатар па працы з рэгіёнамі),

Павел Каралёў, (8-029) 776 24 35
(каардынатар па г. Мінск),

Цімох Акудовіч, (8-029) 557 11 24
(агульная каардынацыя і канцэрт).

Таша Міхайлоўская (8-029) 957 07 03
(каардынатар інфармацыйнага кірунку, каардынатар Інфацэнтра МГА “Гісторыка”)

Надзея Пабірушка (8-029) 778 68 36
(каардынатар інфармацыйнага кірунку, каардынатар Інфацэнтра ГКТ “Этна” БДУКМ)